रत्ननगर नगरपालिकाले ज्येष्ठ नागरिक बाहेक अपांगता भएकाहरुलाई सहायता सामाग्रीहरु प्रदान गर्ने उद्देश्यले आवाह्न गरेअनुरुप वडा नं १४ का खुन्त्त बहादुर अधिकारी र राजेश पुडासैनी, वडा नं १३ का अम्बर बहादुर थापा र सुनिता देवकोटा, वडा नं ७ का शिवराज माझी र दिवसलाई व्हिल चियर र वडा नं १० का सुदीप सिम्खडालाई श्रवण यन्त्र (हेयरिङ एड) वितरण गरिएको

रत्ननगर नगरपालिका २८ औं स्थापना दिवसको अवसरमा विभिन्न विधाहरुमा उल्लेखनिय कार्य सम्पादन गर्नुहुने निर्वाचित जनप्रतिनिधिहरु, कर्मचारीहरु तथा सामाजिक व्यक्त्तित्वहरुलाई पुरष्कृत गर्दै सास्कृतिक नृत्य बाजा गाजा सहित मनाईयो ।

रत्ननगर । पूर्वी चितवनको रत्ननगरमा शुक्रबारदेखि दुई लाख पुरस्कार राशीको तेस्रो अन्तरपालिका स्तरीय मेयर कप फुटबल प्रतियोगिता सुरु भएको छ । सो प्रतियोगिताको रत्ननगरका मेयर प्रलाद सापकोटाले उद्घाटन गरेका थिए । सो अबसरमा मेयर सापकोटाले खेलकुद क्षेत्रको विकास र राष्ट्रिय स्तरमा प्रतिस्पर्धा गर्न सक्ने खेलाडी उत्पादन गर्ने उद्देश्यले मेयरकप आयोजना गरिएको बताए ।

रत्ननगरका उपमेयर यादव प्रसाद पाठकले स्वागत मन्तव्य राखेको उद्घाटन कार्यक्रममा कालिकाका मेयर विनोद रेग्मी, खैरहनीका मेयर शशीकुमार खनिया, रत्ननगरका प्रमुख प्रशासकीय अधिकृत सुकदेव लम्साल उपस्थित थिए । मेयर कपको पहिलो खेलमा कालिका नगरपालिका विजयी भएको छ । आयोजक रत्ननगर नगरपालिकालाई ट्राइबे्रकरका आधारमा ४ का विरुद्ध ५ गोल अन्तरले पराजित गर्दै कालिका नगरपालिका विजयी भएको हो । निर्धारित समयमा दुबै टिमबाट एकएक गोलको बराबरी भएपछि खेल ट्राइबे्रकर पुगेको थियो । प्रतियोगिताबाट आयोजक रत्ननगर नगरपालिका बाहिरिएको छ । 

स्वास्थ्यका लागि खेलकुद, राष्ट्रका लागि खेलकुद भन्ने मूल नाराका साथ आर्थिक वर्ष २०८१÷०८२ को वार्षिक कार्ययोजना अन्तर्गत तेश्रो अन्तरपालिका स्तरीय मेयर कप फुटबल प्रतियोगिता आयोजना गरिएको खेलकुद विकास समितिका अध्यक्ष कृष्ण चौधरीले जानकारी दिए । नेपाल माविको खेल मैदानमा सुरु भएको प्रतियोगितामा चितवनका सात पालिका सहित हेटौडा उपमहानगरपालिका, मनहरी गाँउपालिका र गैडाकोट नगरपालिका गरी १० वटा टिमले प्रतिस्पर्धा गर्ने संयोजक चौधरीले जानकारी दिए ।

प्रतियोगितामा प्रथम हुने टिमलाई २ लाख ११ हजार १११, द्वितिय हुने टिमलाई १ लाख ५१ हजार १११ सहित पदक, ट्रफि र प्रमाणपत्र प्रदान गरिने नगर स्तरीय खेलकुद विकास समितिका सहसंयोजक सौगात भूजेलले जानकारी दिए । प्रतियोगितामा प्लेयर अफ द म्याच घोषित हुने खेलाडीलाई २ हजार ५०० र प्लेयर अफ द टुर्नामेन्ट घोषित हुने खेलाडीलाई १० हजार ५०० प्रदान गरिने उनले जानकारी दिए ।