रत्ननगर नगरपालिकामा कर संकलन तथा व्यवसाय दर्ता अभियान सुरु गरिएको छ । चालु आर्थिक बर्षमा राजश्व संकलनको लक्ष्य पुरा गर्न घरलैदो अभियान सुरु गरिएको हो । नगरपालिकाले सुरु गरेको कर संकलन अभियानलाई रत्ननगर उद्योग बाणिज्य संघले समेत साथ दिएको छ । आज मिति २०७९/११/१४ गते वडा नं१० ,बकुलहर देखि सुरु गरिएको यो कार्यक्रम निरन्तर सबै वडाहरुमा चल्ने छ ।

चितवनको रत्ननगरमा दोस्रो रोजगार मेला–२०७९ आयोजना हुने भएको छ । आगामी चैत १० देखि १२ गतेसम्म वृत्ति मार्गनिर्देशन तथा रोजगार मेला हुने भएको हो ।

अघिल्लो वर्ष भरतपुर महानगरपालिकाले पहिलोपटक रोजगार मेलाको आयोजना गरेको थियोे । आलोपालोरूपमा रोजगार मेला गर्ने गरी भरतपुर महानगरपालिका र रत्ननगर नगरपालिकाबीच सहमति भएअनुरुप रत्ननगर नगरपालिकाले मेलाको आयोजना गर्ने भएको हो ।

आइतबार रत्ननगर नगरपालिकाका प्रमुख प्रशासकीय अधिकृत छविलाल सुवेदीको अध्यक्षतामा बसेको रोजगार मेला मूल समितिको बैठकले सो निर्णय गरेको हो ।

बैठकमा नगरप्रमुख प्रल्हाद सापकोटा, उपप्रमुख यादवप्रसाद पाठक, भरतपुर महानगरपालिकाका उपप्रमुख चित्रसेन अधिकारी, रत्ननगर नगरपालिकाका नगरशिक्षा अधिकारी बद्रिनारायण शर्मा, भरतपुर महानगरका नगरशिक्षा अधिकारी महेन्द्रप्रसाद पौडेल, रत्ननगर नगरपालिकाका विज्ञ सल्लाहकार रामहरि न्यौपाने, भरतपुर महानगरपालिकाका उपप्रमुखका सचिवालय सदस्य आशिष अधिकारीलगायतको उपस्थितिमा बसेको बैठकले सो गरेको हो ।

रत्ननगर नगरपालिका सामाजिक सुरक्षा तथा पञ्जिकरण उपशाखाको आयोजनामा ‘सामाजिक सुरक्षा तथा सामाजिक उत्तरदायित्वसम्बन्धी बैंक तथा वित्तीय संस्थाहरुसँग अन्तर्क्रिया’ कार्यक्रम सम्पन्न भएको छ ।

रत्ननगर नगरपालिका सामाजिक विकास समितिका संयोजक एवं रत्ननगर–५ का वडाध्यक्ष बालकृष्ण चापागाईंको अध्यक्षतामा भएको अन्तर्क्रियामा प्रमुख प्रशासकीय अधिकृत छविलाल सुवेदीले बैंक तथा वित्तीय संस्थाहरुले सामाजिक उत्तरदायित्वअन्तर्गत ज्येष्ठ नागरिकलाई दिनुपर्ने सेवा-सुविधामा कन्जुस्याईं नगर्न, नाता सम्बन्ध कायम गर्नुपर्ने विषय र सम्बन्धित व्यक्तिहरुलाई सामाजिक सुरक्षा भत्ता दिन ढिलाइ नगर्न सुझाव दिए । उनले बैंक तथा वित्तीय संस्थाले सुधार गर्नुपर्ने विषयमा ध्यान दिनसमेत आग्रह गरे ।

कार्यक्रममा रत्ननगर नगरपालिकाका १६वटै वडाका वडाध्यक्ष, कार्यपालिका सदस्यहरु, सामाजिक सुरक्षा भत्ता वितरण गर्दै आएका बैंक तथा वित्तीय संस्थाका प्रतिनिधिहरु एवं कर्मचारीहरुको सहभागिता रहेको थियो ।

कार्यक्रममा सेवाग्राही ज्येष्ठ नागरिकको मृत्युपश्चात् वडाको सिफारिसमा लगतकट्टा गरी हकवालालाई भुक्तानी दिनुपर्ने, लाभग्राहीको अनिवार्य डमी खाता खोलिनुपर्ने, ९० वर्ष कटेका ज्येष्ठ नागरिकलाई घरदैलो तथा घुम्ती शिविरबाट पनि सामाजिक सुरक्षा भत्ता वितरण गरिनुपर्ने, ज्येष्ठ नागरिकलाई सहयोग पुग्नेगरी वडाध्यक्ष, सचिव र पञ्जिकरणबीच समन्वय हुनुपर्नेलगायतका विषयमा अन्तर्क्रिया गरिएको थियो ।

कार्यक्रममा ज्येष्ठ नागरिकलाई लाइनमा उभिने समस्या हटाउन र अशक्त र अपाङ्गता भएकाको हकमा घरदैलोमा पुगेर सेवा प्रदान गर्न बैंक तथा वित्तीय संस्थाहरुलाई सुझाव दिइएको थियो ।

कार्यक्रमको सहजीकरण रत्ननगर नगरपालिका सामाजिक सुरक्षा तथा पञ्जिकरण उपशाखाका प्रमुख रामप्रसाद बस्ताकोटीले गरेका थिए । कार्यक्रममा नगरप्रवक्ता कुलप्रसाद सापकोटा, प्रेस संयोजक केशव भट्टराईलगायतको सहभागिता रहेको थियो ।

रत्ननगर । रत्ननगर नगरपालिकाका मेयर, उपमेयरलगायत जनप्रतिनिधिहरुको टोलीले रत्ननगर–५, ६ र ७ भित्र भएका पछिल्ला विकास निर्माणका आयोजनाहरुको अनुगमन गरेको छ ।

नगरप्रमुख प्रल्हाद सापकोटा, उपप्रमुख यादवप्रसाद पाठक, वडा नं–५ का वडाध्यक्ष बालकृष्ण चापागाईं, वडा नं–६ का वडाध्यक्ष किरण चौधरी, वडा नं–७ का वडाध्यक्ष सजना महतो, आर्थिक समितिका संयोजक एवं वडा नं–३ का वडाध्यक्ष सोहेन्द्रराज खरेल, विज्ञ सल्लाहकार रामहरि न्यौपाने, इन्जिनियर पंकज गिरीलगायतको टोलीले नगरभित्र चालू अवस्थामा रहेका ठूला र नगरगौरवका आयोजनाहरुको स्थलगत अनुगमन तथा निरीक्षण गरेको हो ।

नगरप्रमुख सापकोटाको नेतृत्वमा विभिन्न आयोजनाहरुको स्थलगत अनुगमनमा निस्किएको नगरको टोलीले रत्ननगर–६ र ७ मा नमुना पर्यटकीय मार्गअन्तर्गत भइरहेको साइकल लेन, नाला र फुटपाथसहितको १५ मिटर सडक, राप्ती ड्याकदेखि मगरटोल हुँदै खैरहनी बोटेतालसम्म सडकको अधिकारभित्र पर्ने स्थायी तथा अस्थायी संरचना भत्काउन निदेशन दिएको छ ।

सहरी विकास मन्त्रालयअन्तर्गत सघन सहरी भवन निर्माण आयोजनाको लागि लोहनी–लोहनी एन्ड सन्स्–हेमन्त जेभी निर्माण कम्पनीसँग ठेक्का सम्झौता भई आयोजनाको काम अगाडि बढेको छ । सो कम्पनीलाई निर्माण सामग्रीको गुणस्तरदेखि समयमै काम गर्न निर्देशन दिइएको नगरप्रमुख सापकोटाले बताए ।

यस्तै, प्रदेश मन्त्रालयको आव २०७९/०८० को समपुरक योजनाअन्तर्गत वडा नं ६ राप्ती ड्याक मालपुरको चराचोक हुँदै निर्माणाधीन नाला, फुटपाथसहितको नमुना पर्यटकीय सामुदायिक मार्गको पनि अवलोकन तथा अनुगमन गरी निर्माण कम्पनी शिवम् कन्ट्रक्सनलाई गुणस्तरमा कैफियत नगरी काम गर्न निर्देशन दिइएको छ ।

वडा नं–६ का वडाध्यक्ष किरण चौधरीका अनुसार जनप्रतिनिधिको प्रत्यक्ष निगरानीमा दुवै आयोजनाको काम अगाडि बढेको बताए । उनले भने, ‘निर्माण सामग्रीको गुणस्तरमा कुनै सम्झौता हुँदैन । निर्माण कम्पनीलाई कुनै बहानामा ढिलासुस्ती गर्न छूट छैन ।’

नगरका कुनै पनि विकास निर्माणका आयोजनाहरुको विशेष अनुगमन गरिरहेको बताउँदै नगरप्रमुख सापकोटाले विकास निर्माणका आयोजनाहरुमा ढिलाइ गर्ने, लापर्बाही गर्ने र राजनीति गर्न खोज्नेलाई नगरले कडारूपमा कारबाही गर्ने चेतावनी दिए । ‘विकास निर्माणमा अवरोध पुर्‍याउन खोज्ने र पुर्‍याउने दुवैलाई कारबाही गरिन्छ’, उनले भने, ‘विकासका काममा तेरो र मेरो भनेर ढिलासुस्ती गर्ने ठेकदारहरुलाई क्रमैसँग नगरपालिका कारबाहीमा उत्रिन्छ ।’

‘हामी रत्ननगरलाई रत्न बनाउने अभियानमा छौँ’, नगरप्रमुख सापकोटाले भने, ‘विकास निर्माणका कामले गति लिइरहेको छ । हामी नमुना नगरका रूपमा स्थापित गर्न प्रयत्नशील छौँ ।’

स्रोत:

तस्विरहरु र लेख

चितवन पोष्ट दैनिक

रत्ननगर नगरपालिकाको नगरस्तरीय मेलमिलाप समन्वय समिति पुनर्गठन कार्यक्रम ।

नगर स्तरीय मेलमिलाप समन्वय समितिका पदाधिकारीहरु :

१. अध्यक्ष श्री भुपेन्द्र अधिकारी

२. सचिव - श्री संगिता खनाल

२. कोषाध्यक्ष - श्री अनिता अर्याल

४. सदस्य- श्री प्रमिला ढकाल

५. सदस्य श्री सुजता विष्ट

६. सदस्य - श्री रामचन्द्र दुवाडी

७. सदस्य - श्री कृष्ण प्रसाद अधिकारी

८. सदस्य श्री सिता नेपाल 1

९. सदस्य - श्री बिष्णु भण्डारी कट्टेल

सबै नागरिकलाई स्वास्थ्यको पहुँच पुर्याउने निति अनुरुप  बिपन्न नागरिकलाई निशुल्क स्वास्थ्य विमा कार्यक्रम मार्फत आज मिति २०७९ पुस २४ गते  नगरपालिकाका प्रमख श्री  प्रलाद सापकोटा ज्यू बाट  परिचय पत्र वितरण गरिदैँ । स्थानः ३ नं वडा कार्यालय